Аргентина терма жамоаси сардори Лионель Месси Литвада бўлиб ўтаётган жаҳон чемпионатида ўз мамлакатининг футзал жамоасини қўллаб-қувватлади.
Якшанба куни аргентиналиклар жаҳон чемпионатининг 1/4 финалида Россияни пенальтилар сериясида мағлуб этишди.
«Олдинга!» - деб ёзди Месси ўз инстаграмида, у ва унинг оиласи ватандошлар иштирокидаги ўйинни томоша қилаётган фотосуратни илова қилиб.
2021 йилги Жаҳон чемпионатининг ярим финалида Аргентина Бразилия билан ўйнайди. Учрашув 29 сентябрь куни бўлиб ўтади.
