Туриннинг "Ювентус" клуби бош мураббийи Массимилиано Аллегри Чемпионлар лигаси гуруҳ босқичида Санкт Петербургнинг "Зенит" клуби билан учрашувлар муҳимлигини қайд этди. Жамоалар учинчи ва тўртинчи турда ўзаро тўқнаш келади.
"Биз "Челси"га қарши Мората ва Дибаласиз қандай ўйнашимизни кўришимиз керак. Бу "Ювентус" учун асосий ўйин бўлмайди. Чемпионлар Лигаси гуруҳидаги ҳал қилувчи учрашувлар "Зенит" билан бўлади", - дейди италиялик мутахассис Football Italia'га.
"Челси"га қарши ўйин Туринда, 29 -сентябрь, чоршанба куни, Тошкент вақти билан 0:00да бошланиши режалаштирилган.
