Лондоннинг "Тоттенҳэм" клуби раҳбарияти жамоа бош мураббийи Харри Реднаппнинг жамоада қолишига умид қилмоқда, дейилади клуб расмий сайтида тарқатилган хабарларда.
Барчага маълумки, Реднапп Англия терма жамоасининг бош мураббийлигига асосий номзод бўлиб турибди. Реднаппнинг ўзи эса, клубда мавсум сўнггигача қолиш нияти борлигини таъкидлаб ўтган эди.
"Тоттенҳэм" президенти Даниель Леви бош мураббийни жамоада олиб қолиш ниятида эканлигини айтмоқда.
"Mirror" нашрининг хабар беришича, "Тоттенҳэм" Реднаппга йилига 4.5 миллион фунт стерлингга тенг маош бериш кўзда тутилган янги шартнома таклиф қилишни мўлжаллаб турибди. Шунингдек, ёзги трансфер мавсумида жамоа таркибини кучайтириш учун клуб раҳбарияти 50 миллион фунт стерлинг миқдорида пул ажратишга ҳам ваъда берди.
