"Манчестер Сити" устози Пеп Гвардиола Чемпионлар Лигаси гуруҳ босқич 2-туридан ўрин олган ПСЖга қарши учрашув олдидан ўз фикрларини билдириб ўтди.

Ўтган мавсум нима рўй берган бўлса, ўтмишда қолди. Улар фантастик жамоа эди ва оғир ўйин бўлганди. Энди уларда Месси бор. Бундан сифат билан, уларга қарши нима қила оламиз, тўғриси билмаяман!

Улар супер жамоа. Уларнинг ўйинчилари ҳақида нима дея олишим мумкин: Маркинёс, унинг катта мухлисиман. Ҳакими, Паредес, Вератти ва асосийси ҳужумдаги ўйинчилар - улар кенг, тор, ўртада ўйнай олишади. Уларнинг маҳорати ажойиб ва биргаликда жуда зўр ўйиин кўрсатишади.

Истеъдод тўхтата олинмайди. Биз уларнинг иқтидорли футболчиларини тўхтатиш учун бир ўйинчига босим уюштирмаймиз - биз буни жамоа сифатида амалга оширамиз. Биламиз, жуда қийналамиз - бундай даража шуни талаб қилади. Улар жуда ҳам яхши ва 90 дақиқа биз учун оғриқли бўлади.

Уларни мазорат қилиш мушкул. Тўп бизда бўлмаганди яхши ҳимояланишга ҳаракат қиламиз ва бизда бўлганида уларни югуртиришга интиламиз.

Месси ҳақида

Бундай ўйинчи ўзи ҳақида майдонда гапиради. Бунга ортиқча нимадир қўша олмайман. Уни 15, 16 йилдан бери кузатаётганимиз, бизнинг омадимиз, у профессионал. Унинг фаолияти давомида қилган ишларидан у ҳақда етарлича маълумот олиш мумкин. Умид қиламанки, бугунги ўйинда Месси ўйин манфаати учун ўйнайди.

Жамоа ярим ҳимоячиси Рияд Маҳрез ҳам ўз фикрларини билдириб ўтди.

Шубҳасиз, ПСЖ жуда жуда яхши жамоа. Улар бу мавсум янада кучли. Уларнинг таркиби катталашган, аммо бу ўтган мавсумда бўлгани каби жуда оғир ўтади ва энг зўри ғалаба қозонади. Уларнинг ҳар бир чизиқда кучли эканлигини кўриш мумкин. Рамос ва янги дарвозабонни ҳам унутибман. Уалр бутун жамоани янада мустаҳкамлайди.

Биз ўтган мавсум АПЛ ва Чемпионлар Лигасида кучли ўйин кўрсатдик. Ҳимояда ҳам яхши ўйнадик. Бу мавсум камроқ гол ўтказяпмиз, бу биз янада ўсганимизни, кучлироқ бўлганимизни англатади. Шу мустаҳкамликни ушлаб қоламиз.