«Астон Вилла» ҳужумчиси Дэнни Ингс ёзда «Тоттенхэм»га ўтишга яқин, деб хабар беради The Telegraph.
Манба берган хабарга кўра, «шпорлар» футболчини қўлга киритишга аввал ҳам уриниб кўрган, бироқ раҳбарият сўнгги лаҳзаларда асосий эътиборини ҳимоя чизиғини мустаҳкамлашга қаратганди.
Илгари «Саутгемптон»да ўйнаган Ингс «авлиёлар»нинг таклиф этган янги шартномасини бир неча бор рад этди. У турнир жадвалининг юқори қисмидаги клубга ўтишни хоҳлашини бир неча бор таъкидлади.
Натижада, футболчи учун курашда «Астон Вилла» ғолиб чиқди, у инглиз учун деярли 30 миллион евро тўлади.
Янги клуби таркибида Ингс Премьер-лигада олтита ўйин ўтказди ва иккита гол уриб, иккита голли узатма берган.