Собиқ Англия терма жамоаси ва "Ливерпуль" клуби афсонавий футболчиси Роберт Хант ҳаётдан кўз юмди. У 83 ёшда бўлган. Маълумот "Ливерпуль" клуби томонидан тасдиқланди. Хант мерсисайдликлар сафида 492 марта майдонга тушган ва 285 та голга муаллифлик қилган.
Шунингдек, у миллий жамоада 34 марта майдонга тушган ва 18 марта рақиб дарвозасини ишғол этишга эришган. Роберт 20 ёшидан бошлаб "Ливерпуль" сафида ҳаракат қилган ва икки марта мамлакат чемпиони ва 1965 йилги ФА кубоги соҳиби бўлган эди.
1966 йилги Жаҳон чемпионатида эса Англия сафида 3 та голга муаллифлик қилган ва жамоасини чемпионлик сари етаклаган. (1938-2021)
