«Манчестер Сити»нинг испаниялик ҳимоячиси, ҳозирги кунда Португалиянинг «Спортинг» клубида ижара асосида ўйнаётган Педро Порро Ла Лиганинг топ клубларидан бирининг «радарига тушди». O Jogo нашри хабарига кўра, «Реал» 22 ёшли футболчини сотиб олмоқчи.
Трансфермаркт портали Порронинг бозор қиймати 20 миллион еврога баҳоламоқда. Унинг инглиз клуби билан шартномаси 2024 йилнинг ёзига қадар тузилган.
Таъкидлаш жоизки, ҳимоячини сотиб олишга асосий ҳуқуқ «Спортинг»га тегишли.
Элатиб ўтамиз, Педро Португалия чемпионатининг янги мавсумида олтита ўйин ўтказиб, пенальтидан иккита гол урди ва битта голли узатмани амалга оширди.
