«Реал» «Интер» ҳимоячиси Алессандро Бастонига қизиқиш билдирмоқда, деб хабар бермоқда Calcio Mercato нашри. Манбага кўра, «қаймоқранглилар» ёзда футболчи билан шартнома имзолашга ҳаракат қилишади.
Эслатиб ўтамиз, Бастони 2017 йилда «Аталанта»дан 32 миллион евро эвазига «Интер»га ўтганди. Бу мавсумда у А Серияда бешта учрашув ўтказди. Унинг клуб билан шартномаси 2024 йилнинг ўрталарига қадар тузилган.
Аввалроқ, «Интер»нинг яна бир ҳимоячиси Милан Шкриньяр фаолиятини Англия чемпионатида давом эттириши мумкинлиги ҳақида хабар берилганди. Қайд этилишича, унга «Челси» ва «Тоттенхэм» қизиқиш билдирмоқда.
