Анталиянинг Белек шаҳрида янги чемпионатга тайёргарлик кўраётган Ғузорнинг “Шўртан” клуби бугун Украина Олий лигаси иштирокчиси – Киевнинг “Оболонь” клубига қарши ўртоқлик учрашувида майдонга чиқди. Бу ҳақда клуб расмий сайти хабар тарқатмоқда.

Учрашувда “оқ бўрилар” 0:1 ҳисобида ютказиб қўйишди. Виктор Клишин ва Ильнур Хазигалиевлар жароҳатлари туфайли ушбу учрашувда ҳам майдонга тушишмади.

Энди Игорь Криушенко шогирдлари эртага, яъни 25 феврал куни “Торпедо” (Владимир) клубига қарши ўртоқлик учрашувини ўтказади ва 26 феврал куни юртимизга қайтиб келишади.

Игорь Криушенко бу сафар бошланғич таркибга қуйидаги футболчиларни туширди:

“Шўртан”: А. Корнейчук, А. Алиқулов, Ҳ. Каримов, Р. Бердимуродов, Л. Убайдуллаев, О. Валижонов, В. Афонин, Б. Қодирқулов, А. Соро, И. Таран, В. Рушницкий.

Заҳирадан майдонга тушганлар: М. Наумов, Я. Крушелницкий, А. Жўраев, О. Жўрабоев, В. Пономарёв, С. Атоев, П. Агбо, О. Каримов, Ш. Хурсанов, А. Амонов, М. Мамазулумов, Ҳ. Муртазоев.