«Галатасарай» ҳимоячиси Патрик Ван Анхольт ўз твиттерида «Марсель» аъзоси Маттео Гендузига бағишланган постини ёзди.

Эслатиб ўтамиз, бу икки жамоа кеча Европа Лигаси гуруҳ босқич 2-тури доирасида тўқнаш келганди. Баҳс 0:0 ҳисобида якунланган.

Ван Анхольт Гендузини жарима майдончаси четига итариб юборди, бироқ учрашув бош ҳаками ВАР ёрдамчиси билан маслаҳатлашган ҳолда ўзининг дастлабки пенальти қарорини бекор қилди.

Бу қарордан ҳафсаласи пир бўлган Гендузи бош ҳакамга жиддий эътироз билдирди. Ғазабланган Ван Анхольт эса бу ҳақда ижтимоий тармоқларда ёзишга қарор қилди:

«ВАР хато қилганингни исботлади, бироқ сен оғиз очишга журъат этдинг. Кейинги сафар мен сенинг парикингни йиртиб ташлайман», — дейди футболчи.