«Galatasaray» himoyachisi Patrik Van Anxolt o‘z tvitterida «Marsel» a’zosi Matteo Genduziga bag‘ishlangan postini yozdi.
Eslatib o‘tamiz, bu ikki jamoa kecha Yevropa Ligasi guruh bosqich 2-turi doirasida to‘qnash kelgandi. Bahs 0:0 hisobida yakunlangan.
Van Anxolt Genduzini jarima maydonchasi chetiga itarib yubordi, biroq uchrashuv bosh hakami VAR yordamchisi bilan maslahatlashgan holda o‘zining dastlabki penalti qarorini bekor qildi.
Bu qarordan hafsalasi pir bo‘lgan Genduzi bosh hakamga jiddiy e’tiroz bildirdi. G‘azablangan Van Anxolt esa bu haqda ijtimoiy tarmoqlarda yozishga qaror qildi:
«VAR xato qilganingni isbotladi, biroq sen og‘iz ochishga jur’at etding. Keyingi safar men sening parikingni yirtib tashlayman», — deydi futbolchi.
