Анталиянинг Белек шаҳрида янги чемпионатга тайёргарликни давом эттираётган Игорь Криушенко бошчилигидаги “Шўртан” клуби бугун Туркиядаги сўнгги ўртоқлик учрашувини ўтказди.
“Оқ бўрилар”нинг бугунги рақиби – Россия биринчи лигаси вакили – Владимирнинг “Торпедо” клуби бўлди. Ушбу клуб ўтган мавсумда 7-ўринни қўлга киритганди.
“Шўртан” учрашувни қуйидагича таркиб билан бошлади: М. Наумов, Ҳ. Каримов, А. Жўраев, Р. Бердимуродов, В. Пономарёв, В. Афонин, А. Соро, А. Амонов, Б. Қодирқулов, И. Таран, В. Рушницкий.
Заҳирадан майдонга тушганлар: А. Корнейчук, Л. Убайдуллаев, О. Жўрабоев, П. Агбо, С. Атоев.
Қизиқарли ва кескин курашларга бой бўлган учрашув “оқ бўрилар”нинг 1:0 ҳисобидаги ғалабаси билан якунланди. Киритилган ягона голга Виталий Рушницкий муаллифлик қилди.
Эртага, яъни 26 феврал куни “Шўртан” клуби аъзолари Анталия-Истамбул-Тошкент йўналиши орқали юртимизга қайтиб келишади ва 3 март куни пойтахтимиздаги “Ўзбекистон” меҳмонхонасида тўпланишади.
