«ПСЖ» ҳимоячиси Маркиньос Франция чемпионати навбатдаги тури доирасидаги «Ренн»дан учралган мағлубиятдан сўнг (0:2) ўз фикрларини билдириб ўтди.
«Ўйлайманки, биз майдонда етарлича самарали ҳаракат қила олмадик. Бизда имкониятлар бўлди, лекин ўйин ғалати, жуда очиқ эди.
Ўйин бошланиши биз учун қийин бўлиб чиқди, чунки «Ренн» жуда дадил ҳаракат қилди, улар яхшироқ кайфиятда эканлигини исботлади.
Биринчи бўлим охирида биз яхшироқ ўйнадик. Кўп вазиятларни ярата олдик, бироқ фойдаланиш фоизи жуда паст эди. Ўтказиб юборилган голлар йўқ жойдан юзага келди.
Бизга асосан совуққонлик етишмади. Акс ҳолда чарчоқ ҳақида гапирмас эдик», - дейди Маркиньос.
