Мадриднинг "Реал" клуби устози Жозе Моуриньо АS нашрига берган интервьюси чоғида, клуб ҳеч қандай рекордларнинг кетидан қувмаётганини, асосий мақсад фақат чемпионлик эканлигини таъкидлаб ўтди.
"Бизнинг мақсадимиз Премьерода ғолиб бўлиш. Биз узоқ давом этадиган ғалабали серия борасидаги рекордни янгилаш ҳақида умуман ўйламаяпмиз. Умуман, "Реал" рекордларнинг кетидан қувмайди. Бу нарсалар биз учун иккинчи даражали масала"
"Ҳозирда бизни фақат навбатдаги учрашув ва навбатдаги рақиб қизиқтиради. Бугун "Райо Вальекано"га қарши майдонга тушамиз. Бу жамоанинг майдони ҳажми одатдагидан бироз кичикроқ экан. Аммо, бу ҳолат бизга ҳалақит беради дейишдан йироқман. Очко йўқотилган тақдирда ҳам, бу ҳолат биз учун баҳона бўла олмайди. Умуман, "Реал" ҳеч қачон баҳона қидирмайди,- дейди Жозе Моуриньо.
