«Интер» молиявий қийинчиликларни бошдан кечирмоқда. Клубга январь-июнь ойларида 100 миллион евро керак. La Gazzetta dello Sport нашрининг ёзишича, нерадзурриларнинг иккита йўли бор: футболчиларни сотиш ёки акционерлардан қарз олиш.
Эҳтимол, «Интер» биринчи йўлни танлаб, етакчилардан бири билан хайрлашиши керак бўлади. Лаутаро Мартинес, Николо Барелла, Алессандро Бастони ва Милан Шкриньяр сотувга номзод сифатида кўрсатилган.
Бундан ташқари, Милан клуби қишда Алексис Санчесга маош бермаслик учун шартномани бекор қилиши мумкин.