"ПСЖ" бош мураббийи Маурисио Почеттино парижликлар сафида ҳали дебют қилмаган ҳимоячи Серхио Рамос билан боғлиқ вазият ҳақида гапирди.
"Жамоага қўшилиб кетиш осон эмас. Балки, Рамоснинг ҳозирги формаси бир неча йил аввалгидан фарқ қилар. Лекин барибир футболчи янги воқеликка мослашиши зарур. Энди Рамос бор кучини энг яхши формасини қайтаришга эътибор қаратиш керак. У ўзининг ҳақиқий ҳолатини тушуниши шарт”, - деди Почеттино.
Эслатиб ўтамиз, Рамос июль ойида клубга келганидан бери парижликлар сафида бирорта ҳам ўйин ўтказмаган. Футболчи оёғидан жароҳат олганидан сўнг индивидуал тарзда машғулот ўтказмоқда.
