Миллатлар лигаси ярим финалида испанларга қарши Италиянинг ягона голини урган Лоренсо Пеллегрини ўз жамоаси учун бахтсиз қарама-қаршилик ҳақида ўз фикрлари билан ўртоқлашди.
«Рома» ярим ҳимоячисининг фикрича, таблодаги ҳисоб ҳар икки жамоанинг ўйинига яраша эмасди. Унинг сўзларига кўра, Италия терма жамоаси рақибдан устун, лекин Леонардо Бонуччининг четлатилиши билан ҳамма нарса бузилган.
«Тақдир бугун бизга қарши эди. Ўн киши бўлиб ҳам, биз рақибга муаммолар яратдик. Улар тўпни бошқаришда яхши, лекин биз бошқа жиҳатлардан анча кучлироқмиз. Мен мамлакатимизнинг Европа ва жаҳон футбол майдонларида янги ютуқларини кутяпман»,- дейди Пеллегрини RAI Sport нашри журналистларига.
