Шотландиянинг «Рейнжерс» клуби ҳимоячиси Натан Паттерсон бир нечта АПЛнинг йирик клублари назарига тушган. Хабарларга кўра, «Ливерпуль» 19 ёшли шотландиялик футболчини ўз таркибида кўришни истамоқда.
Шунингдек, Клопп жамоаси ҳамшаҳар клуби бўлган «Эвертон» ўйинчига қизиқиш билдирган. Ҳатто улар ёзда Паттерсон учун 5 миллион фунтлик таклиф ҳам юборган, аммо рад жавоби олинган. Қолаверса, «МЮ» ҳам ҳимоячи учун қишки трансферлар бозорида харидор бўлиши мумкин.
Паттерсон Шотландия терма жамоасида июнь ойида ўз дебютини ўтказган эди. У ҳозирда Жеррард жамоасининг асосий футболчисига айланган.
