«Реал» ва Бельгия терма жамоаси ярим ҳимоячиси Эден Азар шифохонага ётқизилди. Футболчи Миллатлар Лигаси ярим финалида Франция билан ўйинда (2:3) яна бир жароҳат олди. Бу ҳақда Goal нашри хабар бермоқда.
Ўйин давомида Азар сонининг орқа қисмида ноқулайлик ҳис қилди. 74-дақиқада ярим ҳимоячининг ўрнини Леандро Троссард эгаллади.
Эден Азар бугун чуқурлаштирилган тиббий кўрикдан ўтади. «Реал Мадрид» тиббий штаби Бельгия терма жамоаси билан доимий алоқада.
Жорий мавсумда 30 ёшли ярим ҳимоячи бирорта ҳам тўлиқ ўйин ўтказмаган.
