«Барселона» посбони Виктор Вальдес Испания Ла-Лигаси 25-тури доирасида Мадриднинг «Атлетико» клубига қарши ўтган учрашув ҳисоби (1:2)ни изоҳлаб ўтди.
«Иккинчи бўлимда «Атлетико» сезиларли даражада кучайди. Рақибимиз майдонда сифатли ўйин намойиш эта бошлади. Бундай ўйинда ғалаба қозониш ҳам кишини хурсанд қилади. Албатта, чемпионлик титулини ютиш жуда қийин, бироқ «Реал»ни қувиб етишга ҳаракат қиламиз.
Мессининг голи? Вазият қуйидагича эди: Лео ҳакамдан икки-уч марта жонли деворни керакли масофага суришни илтимос қилди. Ҳакам эътибор бермади. Шунинг учун мана шундай — ҳуштакни кутиб ўтирмасдан тепишга қарор қилди», — дея дарвозабон сўзларини келтиради AS.
