14 март куни Тошкентда Ўзбекистон ва БАА олимпия терма жамоалари Лондон-2012 олимпиядаси учинчи саралаш босқичининг сўнгги турида майдонга тушишади.

Айни пайтда Амирлик терма жамоаси 11 очко билан гуруҳни бошқариб турган бўлса, Вадим Абрамов шогирдлари ҳисобида 8 очко бор. Бундан келиб чиқиб айтиш керакки, 14 март куни БАА олимпиячиларини дуранг натижа ҳам қаноатлантиради.

Халқаро футбол уюшмаси ФИФА Ўзбекистон ва БАА олимпиячилари ўртасидаги ўйинни бошқариб борувчи ҳакамлар рўйхатига ўзгартириш киритди. Унга кўра япониялик Масааки Тома ўйинни бошқариб борса, қанотларда унга ҳамюртлари Ҳарухиро Отсука ва Ҳидеаки Нишио ёрдам беради. Тўртинчи ҳакам малайзиялик Амир Муҳаммад Нур.

14 март. Тошкент.
Ўзбекистон (U23) – БАА (U23)
Бош ҳакам: ТОМА Масааки (Япония)
Қанот ҳаками: ОТСУКА Ҳарухиро (Япония)
Қанот ҳаками: НИШИО Ҳидеаки (Япония)
Тўртинчи ҳакам: НУР МУҲАММАД Нагор Амир (Малайзия)
Комиссар: МАҲМАДШОЕВ Ислом (Тожикистон)

P.S. Бунга қадар иккинчи қанот ҳаками вазифасини япониялик Казуширо Мияжима бошқариши керак эди. Тўртинчи ҳакам сифатида яна бир япониялик Юдаи Ямамото белгилаб қўйилганди.