Испания Ла Лигаси cентябр ойининг энг яхши футболчиси учун овоз бериш якунларини эълон қилди. Турнир матбуот хизмати хабарига кўра, «Реал» ҳужумчиси Карим Бензема ўтган ой энг яхши футболчиси деб топилди.
Ўтган ой 33 ёшли француз ҳужумчиси Испания чемпионати доирасидаги тўртта ўйинда қатнашди ва 6 та гол ва 4 та голли узатмани амалга оширди.
Саккизта тур натижаларига кўра, «қироллик» клуби 17 очко тўплаб, Ла Лига жадвалида биринчи ўринда бормоқда. «Реал Мадрид»нинг кейинги рақиби «Атлетик Билбао» бўлади. Ўйин 17 октябрь куни Мадридда бўлиб ўтади.