«Торино» футболчиси Андреа Белотти А Сериянинг бошқа жамоасига ўтиши мумкин. Бу ҳақда todofichajes.com нашри хабар бермоқда.
Футболчининг Турин клуби билан шартномаси келаси ёзда якунланади ва уни узайтириш ниятида эмас. Шу сабабли, Белоттига Италия чемпионатининг бошқа клубларидан таклиф тушмоқда. Даъвогарлар орасида энг яхшиси - «Милан».
«Россонерилар» Андреани сотиб олиш ҳақида ўйламоқда. «Торино» эса ёзда футболчини текинга қўйиб юбормаслик учун қишда сотиб юборишни ўйламоқда.
27 ёшли Белотти Пиоли жамоасига Ибрагимович учун идеал ўринбосар бўлади.
Ҳужумчи ҳозирда А Сериянинг дастлабки иккита ўйинида қатнашган. Кейинчалик, у жароҳат олди ва ҳозирда уни даволаш билан шуғулланмоқда.