«Лион» собиқ бош мураббийи Клод Пюэль ҳужумчи Луис Суарес ҳақида гапирди.
Уругвайлик «Барселона»га ўтишдан олдин француз клубида ўйнаши мумкин эди. Бироқ, «Лион» ўшанда бошқа футболчи фойдасига танлов қилган.
«Ўша йиллари таркибимиздан Карим Бензема кетди, Фред бироз олдин кетганди. Ва бу таркибни янгилаш учун бизга юқори савияли футболчилар зарур эди.
Ўшанда биз Лисандро Лопес ва Луис Суарес ўртасида узоқ вақт иккиландик. Менга бу ўйинчи жуда ёқди, лекин якунда биз «Порту»дан жиддийроқ, Европа тажрибаси билан кўпроқ таниш бўлган Лисандрони танладик», - дейди Пюэль.
