"ПСЖ" ярим ҳимоячиси Марко Вератти келажаги ҳақида ўз фикрлари билан ўртоқлашди. Италиялик футболчи бутун фаолияти давомида Париж клубида қолишни хоҳлаётганини тан олди.
"Менда энг буюк чемпионлар билан ва уларга қарши ўйнаш имконияти бор. Бу мени энг кўп хоҳлаган нарсам. Натижада бу клубга ошиқ бўлдим. Шунинг учун, мен ҳар доим бу жамоа учун бор кучимни бераман.
Фаолиятимни шу ерда якунламоқчиман", - деди Вератти "beIN Sports" телеканалига берган интервьюсида.
Эслатиб ўтамиз, Верратти 2012 йилдан буён "ПСЖ" сафида ўйнайди. Жамоа таркибида у 7 марта Франция чемпиони, 8 марта мамлакат Суперкубоги, 6 марта Франция Лига Кубоги ва 6 бор Франция Кубогини қўлга киритган.
