Мадрид клуби бошқарув доирасига яқин бўлган "RMC" журналисти Фред Эрмель, "ПСЖ" ҳимоячиси Серхио Рамос тез орада сафга қайтишига шубҳа қилмоқда. 35 ёшли испаниялик футболчининг тиззасида муаммолар бор.
"Эшитишимча, унинг тиззаси аввал ўйлагандан ҳам ёмонроқ аҳволда. "Реал Мадрид" шу сабабли у билан шартномани узайтирмади", - дейди Эрмель.
Аввалроқ, "ПСЖ" тиббий штаби Рамос ҳали ўйнай олишига ишонмагани ҳақида хабар берилган эди. Шу сабабли футболчи шифокорлар билан жанжаллашиб қолган.
Эслатиб ўтамиз, Рамос 2021 йил июль ойида эркин агент сифатида Париж клуби сафига ўтганди. Испаниялик жароҳати туфайли жамоаси сафида бирорта ҳам ўйин ўтказмаган.
