«Бавария» раҳбарияти Дортмунднинг «Боруссия» клуби ҳужумчиси Эрлинг Ҳоландни сотиб олиш истаги ҳақидаги миш-мишларни яна бир бор рад этди.
Клуб ҳужумларининг етакчиси узоқ вақтдан бери Мюнхенга кўчиб ўтиши мумкинлиги билан боғлиқ хабарлар тарқалганди.
«Ҳоланд сотиб оламизми? Бизни бу савол қизиқтирмайди. »Бавария«да Роберт Левандовски бўлса, бизга Ҳоланд нима учун керак? Роберт - дунёнинг энг яхши футболчиларидан бири, у ҳар мавсумда бошқаларга қараганда кўпроқ гол уради», - деди «Бавария» президенти Герберт Хайнер.
Бундеслигада жорий мавсумда Роберт Левандовски 7 ўйинда 7 гол уришга улгирди.
