«Лестер» устози Брендан Рожерс карьераси давомида қаерда ишламоқчилигини айтиб ўтди. Бу ҳақда Goal.com портали журналистлари хабар беришди.
Манбага кўра, мутахассис «Манчестер Сити»ни бошқаришни хоҳлайди. Брендан 2023 йилнинг ёзида испаниялик Хосеп Гвардиола жамоани тарк этса, унинг ўрнини эгаллашга тайёр эканлиги айтган. Унгача Рожерс ҳозирги клубида қолишни режалаштирмоқда. Мураббийнинг «тулкилар» билан амалдаги меҳнат шартномаси 2025 йилнинг ўрталарига қадар ҳисобланган.
Англия Премьер-лигасида ўтказилган етти тур натижаларига кўра, «Лестер» саккиз очко тўплаб, турнир жадвалида 13-ўринни эгаллаб турибди.
