«Милан» спорт директори Паоло Мальдини ҳар икки йилда бир марта жаҳон чемпионатини ўтказиш ғоясига қарши чиқмоқда.
«Менимча, ҳар 2 йилда бир марта жаҳон чемпионатини ўтказиш яхши фикр эмас. Бу дунёдаги энг ноёб спорт мусобақасининг аҳамиятини пасайтиради, деярли бир асрлик анъанани йўққа чиқаради.
Мен, спорт оламидан бўлган шахс сифатида ФИФА бу лойиҳадан воз кечишига умид қиламан. Биринчидан, бу футболчиларнинг жисмоний ва руҳий саломатлигига, шунингдек, миллий чемпионатларга ўта салбий таъсир кўрсатади.
Спортчилар, федерациялар ва клублар бундан фойда кам бўлишини билишади», - дейди Мальдини.
