Хабар берганимиздек, бугун Грециянинг Салоники шаҳрида самбо бўйича ёшлар ва ўсмирлар ўртасида Жаҳон чемпионатига старт берилди.
Мусобақанинг дастлабки кунги беллашувларида жами 7 нафар ҳамюртимиз ғолиблик учун гиламга чиқишди ва қувонарлиси, уларнинг барчаси якунда шоҳсупага кўтарилди. Жумладан, якунига етган бугунги беллашувларда ўсмирлардан Эгамберган Искандаров (-53 кг) ҳамда Гулҳаё Жўраева (-50 кг) олтин медалга сазовор бўлишди. Яна бир ҳамюртимиз Эъзоза Абдумўминова эса (-47 кг) вазн тоифасида кумуш медаль соҳибасига айланди.
Яна тўрт нафар самбочимиз эса бронза медалига эга чиқишди. Булар:
-64 кг: Бехруз Омонов (ўсмирлар),
-54 кг: Шахзода Азатова (қизлар),
-98 кг: Мурод Эркинов (ёшлар),
+98 кг: Дилрух Аслиддинов (ёшлар).
