"Барселона" ярим ҳимоячиси Педри клуб билан янги шартнома имзоланганига изоҳ берди.
"Умид қиламанки, бу ерда яна кўп йиллар қоламан. "Барселона" - дунёнинг энг яхши клуби ва биз яна юқорига кўтариламиз", - деди футболчи "Mundo Deportivo" нашрига.
Ярим ҳимоячи шартномасидаги 1 миллиард евро товон пули ҳақида ҳам гапирди.
"Бу шуни кўрсатадики, клуб менга ишонади. Мен жамоага кўп нарсани беришни чин дилдан хоҳлайман. Мен учун шартнома муддати ва лойиҳа товон пулидан кўра муҳимроқ", - деди у.
Эслатиб ўтамиз, 18 ёшли испаниялик футболчи Каталония клуби билан 2026 йилгача шартнома имзолади. Янги шартнома бўйича унга компенсация миқдори 1 миллиард еврони ташкил қилади.
Бу мавсумда ярим ҳимоячи Ла лигада 2 та ўйин ўтказди ва самарали ҳаракатлар амалга оширмади.
