Бугун, 15 октябрь куни Қозоғистон профессионал футбол лигаси миллий чемпионатдаги лимитни бекор қилиш таклифи билан клубларга хат юборди.
Унга кўра, ушбу лимитни бекор қилиш 2023 йил ёки 2024 йилдан бошлаб жорий этилиши мумкин. Бу ҳақда маҳаллий матбуот хабар бермоқда.
Қозоғистон профессионал футбол лигаси аъзолари Лига Кенгашининг навбатдаги йиғилишида шу масалани муҳокама қилишади.
Регламентга киритилган ўзгартиришлар клублар томонидан қабул қилиниши ва шу йилнинг ўзида тасдиқланиши эҳтимоли катта.
Агар ўзгартиришлар қабул қилинса, Қозоғистон профессионал футбол лигаси жамоалари мавсумга чексиз миқдордаги легионерларни рўйхатдан ўтказишлари мумкин бўлади.