Bugun, 15 oktyabr kuni Qozog‘iston professional futbol ligasi milliy chempionatdagi limitni bekor qilish taklifi bilan klublarga xat yubordi.
Unga ko‘ra, ushbu limitni bekor qilish 2023 yil yoki 2024 yildan boshlab joriy etilishi mumkin. Bu haqda mahalliy matbuot xabar bermoqda.
Qozog‘iston professional futbol ligasi a’zolari Liga Kengashining navbatdagi yig‘ilishida shu masalani muhokama qilishadi.
Reglamentga kiritilgan o‘zgartirishlar klublar tomonidan qabul qilinishi va shu yilning o‘zida tasdiqlanishi ehtimoli katta.
Agar o‘zgartirishlar qabul qilinsa, Qozog‘iston professional futbol ligasi jamoalari mavsumga cheksiz miqdordagi legionerlarni ro‘yxatdan o‘tkazishlari mumkin bo‘ladi.