"Барселона" президенти Жоан Лапорта ҳозирги лавозимидаги ишларининг натижаларини сарҳисоб қилди.
"Жамоага келган вақтимдан бошлаб ўтказган энг ёмон лаҳзам - Лео Мессининг кетиши. Бу жуда оғриқли эди. Энг яхши вақт эса - "Goldman Sachs"дан 595 миллионлик кредит олишни уддалаганимиз. Бу бизга қарзларнинг бир қисмини ёпишга ва олдинга силжиш учун катта имкониятни берди. Биз вазиятни тўғирлашга ишонамиз. "Барса" футбол оламидаги ўз жойига қайтиши учун биз тўғри йўлдамиз. Аммо буни тезкорлик билан қилиш мумкин эмас. Бизнинг ҳаракатларимиз ҳали мухлисларга қувончни қайтаради", - деди Лапорта.
Эслатиб ўтамиз, каталонияликлар ҳозирда Ла Лигада 12 очко тўплаб турнир жадвалининг 9-поғонасида боришмоқда. Жамоанинг навбатдаги ўйини "Валенсия"га қарши бўлиб ўтади.
