"Barselona" prezidenti Joan Laporta hozirgi lavozimidagi ishlarining natijalarini sarhisob qildi.

"Jamoaga kelgan vaqtimdan boshlab o‘tkazgan eng yomon lahzam - Leo Messining ketishi. Bu juda og‘riqli edi. Eng yaxshi vaqt esa - "Goldman Sachs"dan 595 millionlik kredit olishni uddalaganimiz. Bu bizga qarzlarning bir qismini yopishga va oldinga siljish uchun katta imkoniyatni berdi. Biz vaziyatni to‘g‘irlashga ishonamiz. "Barsa" futbol olamidagi o‘z joyiga qaytishi uchun biz to‘g‘ri yo‘ldamiz. Ammo buni tezkorlik bilan qilish mumkin emas. Bizning harakatlarimiz hali muxlislarga quvonchni qaytaradi", - dedi Laporta.

Eslatib o‘tamiz, kataloniyaliklar hozirda La Ligada 12 ochko to‘plab turnir jadvalining 9-pog‘onasida borishmoqda. Jamoaning navbatdagi o‘yini "Valensiya"ga qarshi bo‘lib o‘tadi.