"Барселона" бош мураббийи Рональд Куман истефога чиқарилиши мумкинлиги ҳақидаги миш-мишларга изоҳ берди.
"Мен аллақачон одамлар келажагимни муҳокама қилишларига ўрганиб қолганман. Лекин айтишим мумкинки, клуб президенти мени қўллаб-қувватлайди ва ҳимоя қилади. Бунинг учун мен унга миннатдорлик билдираман", - деди Куман "Marca" нашрига берган интервьюсида.
Эслатиб ўтамиз, Рональд Куман 2020 йил августидан буён "Барселона"ни бошқариб келмоқда.
Ҳозирда, клуб Чемпионлар Лигасининг икки учрашувида ҳам мағлубиятга учради ва ўз гуруҳида сўнгги ўринда бормоқда.Шунингдек, Испания чемпионатида жамоа 7 учрашувда 12 очко тўплаб турнир жадвалида 9-ўринни эгаллаб турибди.
