Ўтган ёзда «Челси» билан ҳимоячи Жюл Кунденинг трансфери борасида келиша олмагани учун, «Севилья» раҳбарияти футболчини ўз хоҳишига қарши клубда қолдирди. Натижада француз қишки трансфер ойнасида исталган тарзда Испания жамоасини тарк этмоқчи.
«Манчестер Юнайтед» томонидан ҳам футболчининг хизматига қизиқиш борлиги ҳақида маълумот берилди. Британиянинг The Sun нашри хабар беришича, Кунде шахсий суҳбатида ўз агентидан манкунианлар вакиллари билан музокара ўтказишни сўраган.
Бироқ, инглизларни «Севилья» хўжайинлари билан қийин савдолашиш кутмоқда - испанлар Франция терма жамоасининг марказий ҳимоячиси учун камида 50 миллион евро сўрашади.
