«Тоттенхэм» ҳимоячиси Серхио Регилон АПЛнинг «Ньюкасл»га қарши ўйини (3:2) пайтида содир бўлган воқеа ҳақида гапириб берди.

Испаниялик бош ҳакам Андре Марринерга трибунадаги мухлислардан бири ўзини ёмон ҳис қилганини айтди. Ҳакам ўйинни тўхтатди, мухлисга ёрдам берилди, унинг аҳволи эндиликда барқарор.

«Уч очко ҳар доим бахт келтиради, лекин мен учун инсон саломатлиги муҳимроқ. Менга унинг аҳволи барқарорлигини айтишди.

Мухлислар қўлларини силкитаётганини кўрдим, нимадир нотўғрилигини тезда тушундим. Мен ҳакамга қарадим, у ўйинни тўхтатди. Менимча, ҳозир ҳаммаси яхши.

Бу жуда ғалати эди. Мен бир одамнинг ўзини ёмон ҳис қилаётганини кўрдим, асабийлашдим, чунки бундай бўлишини билмагандим», дейди — Регилон.