"Барселона" бош мураббийи Рональд Куман Ла Лиганинг 9-тури доирасида "Валенсия" устидан қозонилган ғалаба (3:1) ҳақида фикр билдирди.
"Учрашув қийин бошланганига қарамай, жамоамнинг ўйинга эътиборини кўриб ҳурсанд бўлдим. Биз яхши ҳаракат қилдик, чиройли ўйнадик ва ҳақли тарзда ғалаба қозондик.
Биз тезкор голдан сўнг ўзимизни қайта тиклаб бунга муносиб жавоб бера олдик.
Жамоамиз билан Фатининг юқори формасини тиклаш устида ишламоқдамиз. Кеча шифокорлар билан маслаҳатлашиб унга ортиқча юкламалар тушмаслиги учун алмаштирамиз, деб келишиб олгандик. Бизга унга ўхшаган футболчилар жуда керак.
Мен пенальтининг бор ёки йўқлигини кўрмадим. Вазиятга ҳозирча изоҳ беролмайман", - деди Куман.
