"Рома" бош мураббийи Жозе Моуриньо А Серияда "Ювентус"дан учралган мағлубиятдан сўнг (0:1) ўз фикрларини билдириб ўтди.
"Айтишим мумкинки, бугун мен ажойиб "Рома"ни кўрдим. Бунинг учун кийиниш хонасида футболчиларга раҳмат айтдим. Ҳа, биз мағлубият ва нол очко ҳақида гапираяпмиз, лекин бугун "Рома" ҳар томонлама ажойиб эди.
Мен жамоамда жасорат ва ишончни кўрдим. Шубҳасиз, мағлубият мағлубият бўлиб қолаверади, лекин сиз лойиҳага, жамоанинг вақт ўтиши билан ўзига келишига эътибор беришингиз керак.
Ғалабага лойиқ жамоа мағлуб бўлди. Бу футбол.
Пенальти ҳақида ҳозирча изоҳ бермоқчи эмасман. Менда бу ҳақида тўлиқ маълумот йўқ, такрорий лавҳани кўрмадим", - деди португалиялик мутахассис.
