"ПСЖ" ҳужумчиси Неймар Чемпионлар лигаси гуруҳ босқичининг 3-туридан ўрин олган "Лейпциг"га қарши ўйинни ўтказиб юборади. Бу ҳақида клуб матбуот ҳизмати хабар берди.
"Неймар терма жамоа сафидан қайтганидан сўнг сон қисмининг бўғим мушаги оғриганини сезди. Унинг майдонга қайтиши учун бир неча кун керак бўлади", - дейилади Париж клуби матбуот хизмати хабарида.
Чемпионлар лигасининг жорий мавсумида 29 ёшли бразилиялик 2 ўйинда майдонга тушди ва самарали ҳаракатлар амалга оширмади.
Эслатиб ўтамиз, Чемпионлар лигаси доирасидаги "ПСЖ" - "Лейпциг" учрашуви 19 октябрьдан 20 га ўтар кечаси 00:00 да бошланади.
