"Лион" ҳамда Франция терма жамоаси дарвозабони Уго Льорис Украина ва Польша майдонларида ўтадиган европа чемпионатида, Франция терма жамоасини сардор сифатида майдонга бошлаб тушади.
Бу ҳақда жамоа бош мураббийи Лоран Блан журналистлар билан учрашувда маълум қилди.
"ЕВРО-2012 да Льорис терма жамоага сардорлик қилади. У бошқалардан кўра кўпроқ мени ишончимни оқлади".
"Мексес? У бир неча бор термани сардор сифатида майдонга олиб чиқди. Унинг сўнгги ўйинидаги ҳатти-ҳаракатлари борасида яна тўхталишни истамайман. У жуда қизиққон футболчи. Аммо бундай савиядаги ўйинларда ҳато қилишга ҳеч кимнинг хаққи йўқ. Мен таваккал қилишни истамайман",-дея "Уч ранглилар" устози Лоран Бланнинг сўзларидан парча келтирмоқда АР.
