Хабарингиз бор, Бекободнинг “Металлург” жамоаси мамлакат миллий чемпионати – Coca Cola Суперлиганинг сўнгги икки турини бош мураббийсиз ўтказганди.
Кеча “Металлург” ПФКнинг кенгайтирилган йиғилиши бўлиб ўтди. Унда ташкилий масала кўриб чиқилди. Клуб раҳбарияти жамоа бош мураббийи Жасур Абдураимов саломатлиги боис фаолиятини давом эттира олмаслигини билдириб ариза берганлигини маълум қилди. Икки томонлама келишувга мувофиқ шартнома бекор қилинганлиги баён этилди.
“Металлург” ПФК клубдаги самарали фаолияти учун Жасур Абдураимовга миннатдорлик билдиради ва у кишининг келгуси фаолиятига муваффақият тилайди.
