Олий Лигада тўп сурувчи Тошкент вилоятининг икки жамоаси ўртасидаги баҳс Янгибозорда бўлиб ўтди.

«Олмалиқ»нинг расмий сайти маълумотига кўра, жамоа бош мураббийи Игорь Шквирин икки таймда икки хил таркибни майдонга туширган. Бекободликлар эса иккинчи бўлимда фақат учта ўзгаришни амалга оширишган.

Биринчи таймда — «Олмалиқ»дан Достон Абдураҳмонов ва Евгений Гоголь, «Металлург»дан Ҳикмат Ҳошимов ва Шоҳназар Норбековнинг голларидан сўнг 2:2 ҳисоби қайд этилган. Қайд этиб ўтиш жоиз, «Олмалиқ» 2:0 ҳисобида олдинда бораётган эди.

Иккинчи бўлимда захирадан майдонга тушган ёш ҳужумчи Александр Лупашконинг дубли «Олмалиқ»га 4:2 ҳисобидаги ғалабани туҳфа этди.

15 март куни старт оладиган 2012 йилги Олий Лига ўйинларини «Олмалиқ» ўз майдонида «Нефтчи»га қарши ўйин билан бошласа, «Металлург» ўз майдонида «Андижон»ни қабул қилади.

«ОЛМАЛИҚ» – «МЕТАЛЛУРГ» 4:2 (2:2)
ГОЛЛАР: Достон Абдураҳмонов (17), Евгений Гоголь (34-пен.), Александр Лупашко (61, 90) – Ҳикмат Ҳошимов (38), Шоҳназар Норбеков (42).

«ОЛМАЛИҚ»: Павел Харчик, Баҳром Юлдашев, Дарко Станоевич, Евгений Гоголь, Шуҳрат Мусаев, Исроил Эргашев, Артём Никитенко, Достон Абдураҳмонов, Санжар Шоаҳмедов, Маъруф Муродов, Абдураззоқ Жўраев.

Иккинчи тайм: Тимур Ғаниев, Ильдар Юлдашев, Сирож Ҳамроев, Миржалол Қурбонов, Ориф Мамажонов, Азамат Исроилов, Зафар Тўраев, Ринат Байрамов, Суҳроб Бердиев (Тоҳир Каримов, 74), Александр Востриков (Тимур Галимов, 74), Александр Лупашко.