"Барселона" ҳужумчиси Усмон Дембеле жароҳатини даволашнинг сўнгги босқичида, у яқин кунларда якуний тиббий кўрикдан ўтиш учун Финляндияга учиб кетади.
Июль ойида Дембеле Хелсинки шаҳрида дунёга машҳур мутахассис доктор Лассе Лампайнен раҳбарлигида операция қилинган эди. Октябрь ойидан бошлаб эса футболчи енгил машғулотларга қайтди.
"Marca" нашри хабарига кўра, Дембеле келаётган дам олиш кунлари Финляндияга бориб, реаблитатциясининг кейинги босқичига ўтишдан аввал шифокор рухсатини олади.
Эслатиб ўтамиз, футболчи Евро-2020 да терма жамоаси сафида жароҳат олган эди. Шундан сўнг, Усмон ҳали майдонга қайтмади.
