Баҳорнинг илк кунида Насаф ва Ўзбекистон олимпия терма жамоаси ҳужумчиси Кенжа Тўраев 23 ёшга тўлди.

Кенжа Қашқадарё вилояти Чироқчи туманининг Хушали қишлоғида таваллуд топган.Унинг болалиги ҳам мана шу қишлоқда ўтди. Акалари билан болаликдан Чироқчининг кенг дала ва қирларида тўп тепиб,унда футболга бўлган меҳр охир оқибат катта футболга етаклади. У кўп йиллардан буён севимли жамоамиз Насаф сафида. Насаф таркибида шаклланиб, мухлислар ва мураббийлар назарига тушди, олимпия терма жамоасига таклиф олди. Энди Кенжани нафақат мамлакатимизда, балки бутун Осиёда танишади.

Биз барча мухлислар номидан Кенжа Тўраевни туғилган куни билан чин юракдан табриклаймиз. Унга аввало сиҳат-саломатлик, узоқ умр ва бахт-саодат тилаймиз. Биз мухлислар Кенжани ҳозирги эришган ютуқлари билан чегараланиб қолмасдан, жамоамиз сафида ҳам, Олимпия терма жамоаси сафида ҳам энг юқори марраларни эгаллашини тилаб қоламиз.

Voha.uz сайти жамоаси.