"Барселона"нинг собиқ сардори Карлес Пуйоль "Реал"га қарши ўйин олдидан ўзи учун энг эсда қоларли класикосини ёдга олди.
"Агар мен фақат битта ўйинни танлашим керак бўлса, "Сантьяго Бернабеу"даги 6:2 ҳисобидаги ғалабамиз билан якунланган ўйинни танлайман. Ўйин, натижа ва ғалаба бизга чемпионликни деярли кафолатлагани учун.
Қўшимчасига ўшанда гол уриб, ҳисобни ўз фойдамизга 2:1 қилиб қўйгандим. Бу мен учун алоҳида лаҳза бўлган. Мен унчалик кўп гол урмасдим. Аммо класикодаги гол ўзгача воқеа”, - деди Пуйоль "Marca" нашрига берган интервюсида.
Эслатиб ўтамиз, бу ўйин 2009 йил 2 майда бўлиб ўтган. Ўшанда “Барса” сафида Жерар Пике 1 гол урган бўлса, Тьерри Анри ва Лионель Месси дубл қайд этишган. Гонсало Игуаин ва Серхио Рамос "Реал"нинг жавоб голлари муаллифига айланган.
