«ПСЖ» «Марсел» билан ўйин олдидан баъзи футболчиларининг ҳолати ҳақида хабар берди.
Унга кўра, ҳимоячи Серхио Рамос яқин кунларда умумий гуруҳ машғулотларида иштирок этиши кутилмоқда. У ҳозирда тиббий ходимлар назорати остида индивидуал машғулотларни давом эттиряпти.
Шунингдек, олдинроқ яримҳимоячи Леандро Паредес терма жамоа сафидаги сўнгги ўйинда мушакларини шикастлаб олгани ҳақида хабар берган эдик. Унинг халқаро ўйинлардаги танаффусдан сўнг сафга қайтиши кутилмоқда.
Дарвозабон Серхио Рико бугунги машғулотларда чап бармоғини синдириб олган. Бир ҳафтадан сўнг у машғулотларга қайтиши мумкин.
