«PSJ» «Marsel» bilan o‘yin oldidan ba’zi futbolchilarining holati haqida xabar berdi.
Unga ko‘ra, himoyachi Serxio Ramos yaqin kunlarda umumiy guruh mashg‘ulotlarida ishtirok etishi kutilmoqda. U hozirda tibbiy xodimlar nazorati ostida individual mashg‘ulotlarni davom ettiryapti.
Shuningdek, oldinroq yarimhimoyachi Leandro Paredes terma jamoa safidagi so‘nggi o‘yinda mushaklarini shikastlab olgani haqida xabar bergan edik. Uning xalqaro o‘yinlardagi tanaffusdan so‘ng safga qaytishi kutilmoqda.
Darvozabon Serxio Riko bugungi mashg‘ulotlarda chap barmog‘ini sindirib olgan. Bir haftadan so‘ng u mashg‘ulotlarga qaytishi mumkin.
