Италия чемпионатининг 9-туридан ўрин олган учрашувда "Милан" сафарда "Болонья"ни енгди (4:2).
9 учрашувдан кейин Стефано Пиоли шогирдлари ҳисобида 8 ғалаба ва 1 дуранг бор. Шундай қилиб, "россонерилар" 1954/55 йилги мавсумдан буён илк бор чемпионат доирасидаги 9 учрашувининг 8тасида ғалаба қозонди. Ўша мавсумда "Милан" 34 учрашувда 48 очко тўплаб чемпион бўлган (ғалаба учун 2 очко берилган) эди.
Айни вақтда, миланликлар А Серия турнир жадвалида 9 ўйиндан сўнг 25 очко жамғариб 1-ўринда боришмоқда.